Sunod-Sunod na Kanselasyon ng Klase sa lungsod Dagupan, Sanhi ng Malawakang Pagbaha

 🖊️Art | Setyembre 5,  2023

DAGUPAN CITY - Patuloy ang sunod-sunod na kanselasyon ng mga klase sa Dagupan City dahil sa malakas na pag-ulan at pagbaha sa mga nakaraang linggo sanhi  ng bagyong Goring , Egay at Hannah. Habang nagpapatuloy ang ulan, patuloy din ang pagtutok ng mga paaralan sa lungsod upang masigurong ligtas ang mga mag-aaral at faculty members, at patuloy na natututo ang mga estudyante kahit sa gitna ng mga pagsubok.

Kabilang sa mga paaralang apektado ng sunod-sunod na kanselasyon ng klase ay ang Dagupan City National High School (DCNHS), na isa sa pinakamalalaking pampublikong paaralan sa lungsod. Bilang bahagi ng kanilang paghahanda para sa ganitong mga sitwasyon, nagtakda ang DCNHS ng mga hakbang upang matiyak na hindi maaantala ang pag-aaral ng mga estudyante.

Isa sa mga hakbang na ito ay ang pagkakaroon ng Blended Learning Modality, kung saan nagpapalit ang paaralan mula sa face-to-face na pagtuturo tungo sa online at modular learning. Sa tulong ng modernong teknolohiya at access sa internet, nagagawa ng mga guro na magturo mula sa kani-kanilang mga tahanan habang patuloy na nag-aaral ang mga mag-aaral sa kanilang mga bahay.

Ayon kay G. Willy u Guieb,Punungguro ng DCNHS, "Ang aming layunin ay masigurong patuloy ang edukasyon ng aming mga estudyante kahit anong kalagayan ng panahon. Sa pamamagitan ng Blended Learning Modality, maari naming ituloy ang pagtuturo at pag-aaral nang hindi kailangang pumunta sa paaralan, lalo na kapag may mga pagbaha at iba't ibang mga kalamidad."

Bukod pa rito, nagtutulungan ang mga guro, magulang, at mga estudyante upang masiguro na hindi maiiwan ang sinuman sa pag-aaral. Binibigyan din ng paaralan ang mga mag-aaral ng mga learning materials na maaari nilang gamitin sa mga oras na hindi sila makapag-online.